Onze-Lieve-Vrouwecollege Oostende

Latijn - Eerste Trimester - Digitaal Huiswerk 2

Lesbia heeft Catullus opzijgeschoven. In dit gedicht zingt hij zijn verdriet uit, maar raadt hij zichzelf ook aan om door te zetten.

Miser Catulle, desinas ineptire
et quod vides perisse perditum ducas.
Fulsere quondam candidi tibi soles,
cum ventitabas quo puella ducebat,
amata nobis quantum amabitur nulla. 5
Ibi illa multa cum jocosa fiebant,
quae tu volebas nec puella nolebat.
Fulsere vere candidi tibi soles.
Nunc iam illa non vult. Tu quoque impotens noli,
nec quae fugit sectare, nec miser vive. 10
Sed obstinata mente perfer, obdura.
Vale puella. Jam Catullus obdurat,
nec te requiret, nec rogabit invitam.
At tu dolebis cum rogaberis nulla.
Scelesta, vae te. Quae tibi manet vita? 15
Quis nunc te adibit? Cui videberis bella?
Quem nunc amabis? Cujus esse diceris?
Quem basiabis? Cui labella mordebis?
At tu, Catulle, destinatus obdura.

je naam

klas

Vertaal deze tekst